Sahau Mabaya

Kuumizwa au kuumia ni hali ambayo ipo katika maisha yetu ya kila siku, na kwa namna moja au nyingine huwa tunajikuta tumeumia, lakini inatupasa kufahamu na kutambua kuwa mabaya yote huja kutoka kwa mwovu Ibilisi na Shetani ambaye kamwe hataki kutuona salama.

Mara nyingi tunapoumia tunashikwa na uchungu mwingi sana hasa aliyetuumiza anapokuwa ni ndugu au jamaa wa karibu sana. Haizuiliki kuwa na uchungu lakini hatutakiwi kuwa katika hali hiyo muda wote.

Zaburi 30:5b

Muhubiri 7:9

Inawezekana kabisa tumeshindwa na kuanguka katika mambo mengi sana ingawa tulifanya yote katika usahihi hata kujiuliza kama kweli Mungu yuko upande wetu? Baadhi yetu tumewekeza sana kwenye biashara, pengine elimu au hata ndugu zetu lakini malipo ni kinyume kabisa na jitihada. Yamkini hata tumepoteza ndugu wetu wa karibu sana tuliowapenda, tunaweza hata kumuuliza Mungu kwanini? Sisi hatujui, wala haina haja ya kuwa kwenye hali ya msongo wa mawazo ila ni kumuachia Mungu na kusonga mbele tena kwa Imani.

Mithali 3:5

Zaburi 50:15  

Kwa kujaribu kutumia akili, maarifa au hekima ya kibnadamu ndipo wengi sana tumepotea, hata ikafikia mahali tukajawa na hofu sana kiasi cha kupoteza maisha. Wangapi tunajua kuwa wapo wengi waliowaza sana kwa uchungu hata kukatisha maisha yao mapema?

Mithali 3:7 – 8 

Kama kungekuwa na watu wa kukata tamaa au kuishi kwenye uchungu pamoja na hasira maishani mwao basi ingekuwa Yusufu na Daudi, kwani walipata shida sana lakini Mungu aliacha yote haya akiwa na kusudi maalum katika maisha yao.

Isingekuwa uvumilivu Yusufu angekata tamaa na kujutia maisha yake, lakini mbali na kuvumilia kama angekuwa na uchungu pamoja na kisasi hakika angewarudi ndugu zake walipokwenda Misri.

Lakini pia Daudi angejawa na kisasi, hakika angemuua Sauli mara ya kwanza tu Mungu alipomuweka mikononi mwake, hasa wenzake walipomsihi ammalize au awaruhusu wao wammalize, lakini Daudi aliacha kusudi la Mungu litimie.

1 Samuel 24; 26

Siku zote, Mungu akishaweka hitimisho hatupaswi kabisa kuendelea kujiuliza na kukaa kwenye machungu na hasira kwakuwa kila siku ni mpya. Unapoishi na hasira au uchungu wa jana, tayari umeiharibu jana, unaiharibu na leo pia hata kesho.

Kutoka 3:14

Kuna usemi unasema “ Ni maamuzi yetu kuchagua kuishi kwenye uhuru wa kusamehe au gereza la uchungu”.